Google ADS

“Kosova dhe Çekia me marrëdhënie shumë të mira bilaterale”, ministrja Gërvalla takon homologun çek Lipavský

16:32 | 29 Shtator 2024
E.H

Në margjinat e sesionit të 79-të të Asamblesë së Përgjithshme të Kombeve të Bashkuara në Neë York, Ministrja e Punëve të Jashtme dhe Diasporës së Kosovës, Donika Gërvalla, ka takuar ministrin e Punëve të Jashtme të Çekisë, Jan Lipavský.

MPJD me anë të një komunikate për media ka bërë të ditur se Gërvalla me Lipavsky kanë diskutuar rreth thellimit të bashkëpunimit në ekonomi dhe fusha të tjera me interes të përbashkët, përcjell Arbresh.info.

Ministrat Gërvalla dhe Lipavský biseduan edhe rreth situatës së sigurisë në rajon, proceseve integruese euro-atlantike të Kosovës dhe nevojën e ndërmarrjes së veprimeve të përbashkëta ndërshtetërore mes vendeve pro-evropiane në raport me sfidat me të cilat po përballet Evropa dhe bota.

“Republika e Kosovës dhe Çekia kanë ndërtuar marrëdhënie shumë të mira diplomatike dhe miqësore si dy shtete të përkushtuara për siguri dhe stabilitet në rajon dhe Evropë”, thuhet në njoftimin e MPJD-së./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm